- #茄山河#【方言就是文化？】有网友认为：“对于一个地方来讲，方言就是母语。母语是文化个基本特征之一，因为伊告诉阿拉祖先是啥人，阿拉是啥人，阿拉个历史文化渊源辣辣阿里，伊传承着血脉搭仔性格。伊就是阿拉个文化，阿拉个根！因为伊记载了阿拉个生活，喜怒哀乐，对人个思念……”大家哪能看呢？
- #茄山河#【上海唯一的沪语广播新闻节目:《阿富根》停播?[吃惊]】据业内人士消息,几十年个老牌沪话广播节目《谈天说地阿富根》直播可能将停播,只有星期日一天录播!从小就听《滑稽王小毛》《阿富根》长大,其中阿富根是上海唯一一档用吴语上海话播出个广播新闻节目。via@时代报
- #茄山河#【乘地铁勿吃生梨】前几天山山乘地铁，看到一位美眉辣辣吃生梨，美眉手里拿了只塑料袋，生梨皮吐到袋袋里向。搿个辰光，地铁播报“请不要在车厢内饮食”，山山听了觉得“鸭梨”邪气大，文明勿是阿拉一代人能够完成个！
- #茄山河# 【碰着碰】据新华社个消息，美国国防部前日讲，6月9号勒阿富汗南方殉职个5名美军士兵是勒一趟行动当中拨友军炮火打杀脱个。搿只分队准备乘直升机离开个辰光，齐巧碰着遭到塔利班武装分子伏击，分队呼叫空中支援，结果空袭个炮火偏生打中分队自家，死脱5个士兵。自家人炸杀自家人，碰着碰！展开全文
- #茄山河#【上海公办小学侪增加沪语课程？】钱乃荣教授编写个沪语教材《小学生学说上海话》已经勒部分小学试点。网友@至叻仔 提出个人建议：“上海所有公办小学侪应该增加沪语课程，不管是新上海人小囡还是上海人小囡，既然生活勒搿个大都市里向，就要学习大都市个语言来适应大都市。”大家觉得哪能？展开全文
- #茄山河#【上海闲话从小囡抓起】网友@至叻仔 建议：“保护上海闲话，传承海派文化，应该从小囡抓起。阿拉屋里厢就规定，儿子从幼儿园回来必须讲上海话。”著名京剧学者、剧作家@翁思再 建议“幼儿园一律上海闲话！”据讲，现在部分幼儿园将开展沪语教育试点，大家觉得哪能？
- #茄山河#【沪语词典有用伐？】最近沪语人士讨论如何推广上海闲话，有人讲，有本好个沪语教材就可以通过渠道去传播上海闲话。毕过，@梅玺阁主 认为：“沪语教材和词典都没用，那些就是学术界的做派，要有喜闻乐见的沪语电视广播节目，要推动服务窗口开设上海闲话。”大家有啥好建议？
- #茄山河#【沪语节目】迭两年，上海市民对于用沪语节目回归广电媒体个呼声又高起来了。毕过，除脱“阿富根”、“越播越扎劲”、“阿拉听新闻”、“大家帮侬忙”以外，还是呒啥像样个节目。业内人士讲，SMG会得勒公共服务频道新开沪语节目，也有人建议拿新娱乐搞成全沪语个电视频道。大家觉着有可能伐？展开全文
- #茄山河#【沪语方言应予“保护”】昨天中浪向，@作家简平 去拜访著名语言学家、原语文出版社社长李行健先生。李老年过八旬，但健步如飞。简平说：“我向他请教有关方言问题，我觉得他的说法是准确的：‘推广’在法律上只给了普通话，但方言应予‘保护’。”PS：沪语作为方言应予“保护”，同意的转！展开全文
- #茄山河#【宣传画也要讲文明】前两天，山山到万体馆个一爿“工厂式”餐厅吃饭，上汏手间个辰光，看到搿幅宣传画，当场一呆(nge)，难道阿拉餐厅里来个客人会得介弗文明嚜？侬是亲眼看到啦？艺术创作，总归也要有得文明个底线伐？
- #茄山河#【狗狗弗得入内？ 】网友Iris爆料：“到剃头店里汏个头，旁边个女人带了只狗，要死快了，狗侪坐到位子高头了！”老早子底，洋大人歧视阿拉中国人，勒租界里讲啥“华人与狗不得入内”，下趟子，理发店阿是也可以立块牌子，规定：“戆女人与狗不得入内”，大家同意伐！
- #茄山河#【搿种蛋叫啥名字？】早浪向，同事吃鸡蛋，蛋剥开来个辰光，小姑娘哇啦一声喊出来。（图By Cherry）大家晓得搿种蛋叫啥个名字伐？
- #茄山河#【樱花节】前两天顾村樱花节开幕了，礼拜六、礼拜天游园有得十几万人！弗少朋友抱怨顾村公园人比花多：“沪太路直接变停车场，地铁比高峰辰光还要轧！”“排队买票用脱半个钟头，上厕所排了40分钟，烧烤又要排三个钟头队，还呒没挨着。”图By@zealouz 轧闹猛！难道上海呒没其他地方白相了？展开全文
- #茄山河#【差头司机吃轧头 责任到底勒啥人？】昨日网友小样的C 告诉山山：“强生公司打过电话拨阿拉同事了，讲会得处罚赶乘客下车个司机，还要退车钿…强生公司还问:‘司机真个讲是公司暗促促鼓励用打车软件伐？’阿拉同事回头伊：是个呀！”请问强生公司，司机个钞票侬罚过了，难道侬就呒没责任了嚜？展开全文
- #茄山河#【五个国家的小学生守则,看完后五味杂陈】中国、日本、美国、英国,法国的小学生守则对比。看后哑然失笑,瞬间从心中升起淡淡的担忧和悲哀。你看后什么感觉呢?[思考]
- #茄山河#【过年个味道】@王小毛之父葛明铭 讲：年夜头到快了，水磨粉弗磨了，黑洋酥弗捏了，蛋饺弗包了，水笋弗斩了，咸肉弗腌了，长生果弗炒了，糖年糕弗下了，冻鸡冻鸭弗发了，年夜饭自家弗烧了，新衣裳弗着了，对联弗贴了，炮仗烟火弗放了，力道越来越省了，过年个味道也越来越淡了！大家同意伐？展开全文
- #茄山河#【弄松】网友@牛--贝贝 爆料：“夜到回去路浪向，有个踏车子个人从背后头推我一记。我掼垃地垟里，面孔破相，手臂把、小腿擦伤。人一记头呆牢了，过脱歇再哭出来个。到医院拍片子清创处理，医生牢罪过个看牢我。现在弗晓得搿个年哪能过，牢痛个，眼泪水穷流…”啥个人，介龌龊弄松人家！[怒]展开全文
- #茄山河#【上海丈母娘是极品？】网友@壹号战神 爆料：有位博士勒本地论坛高头抱怨“结婚交关烦”，勒丈母娘屋里白吃白登，工钿侪部寄到老家。结婚个辰光爷娘只拨媳妇五百块红包，打算上班十年个工资统统留拨爷娘，搿十年就靠老婆养！还觉着丈母娘应该体谅，弗要抱怨伊。Tks@KDS宽带社 PS大家讲讲看？展开全文
- #茄山河#【外国油条】最近听讲，麦当劳早餐也有得豆浆、油条了伊讲，加上KFC搭仔啥东方神起个，洋品牌居然侪铆牢阿拉油条了。呜呼，外国油条又短又小，一口头就呒没啦！价钿么，大家自家比较。PS：侬是欢喜高端洋气个小油条呢，还是马路摊头浪个土油条？
- #茄山河#【良心】昨日申城狂风+大暴雨，地铁1号线莘庄南广场出入口汪洋一片，积水没到脚馒头，交关乘客只好淌水走过，鞋裤湿光。毕过，有眼人牢有生意头脑，用黄鱼车拉人穿过积水，每位收5到10块洋钿弗等个摆渡费！（图By@旁友侬好 ）山山多位同事侪拨斩了一刀。PS：恶劣天气面前，人个良心勒啥地方？展开全文
- #茄山河#【肉馒头】昨日看到上海网友吃个鲜肉大包让我想起了小辰光个天山大包，美食家@食家饭 讲：上海人呒没包子搿种讲法，有弗有芯子侪叫馒头个。肉包子叫肉馒头，毕过加仔“大”字就弗叫大肉馒头，要叫鲜肉大包；菜包子叫菜馒头，加仔“重油”二字，弗叫重油菜馒头，叫重油菜包。上海人蛮烦个喏。展开全文
- #茄山河#【医生学沪语】据@王小毛之父葛明铭 讲：前一枪，市六医院举办了以“关爱、融合、满意”为主题个上海闲话大赛。24位医学博士用沪语读成语，朗诵童谣搭仔古诗，演小品咾啥。有个医生帮病人开好刀赶过来参加，有个医生休息天跑出来。搿眼医生学习上海闲话牢有热情。做上海人，讲上海闲话，转！展开全文
- #茄山河#【道歉】今朝礼拜一，26～ 29℃，落雨。据KDS网友爆料:前两天引起上海老百姓关注个地铁＂把尿门＂当中搿个男主角拉爷最近出面表示："阿拉儿子年纪末也轻，你也看到了，小囡忒小弗懂事体…我代表阿拉一家门向乘客讲一声对弗起" ，外加伊还写了道歉信。PS:对于搿恁介个道歉，大家觉着好接受伐？展开全文
- #茄山河#【小广告】今朝礼拜四，28～32℃，会得落雨。网友Orange-Fanta讲：每天乘地铁，总归会得看到有一帮人垃车厢里向飞快个散发小广告。弗问侬要弗要，直接一埭路里发过去。弄得地板浪向、座位高头一塌糊涂。发小广告个好汉们，请乃适可而止！阿拉要光火了！PS：对于地铁发小广告，侬讲哪能办？展开全文
- #茄山河#【抹茶】今朝礼拜两，阵雨，28～34℃。网友@喜大普奔_吃货小豬玀 讲：“今朝必须要自我检讨一记！垃星巴克用沪语点单个辰光，竟然一下子搁牢垃“抹茶”个“抹”字高头，急煞脱人呀（因为后头还有好几个人排队），葛咾只好用国语讲了…”PS：啥人晓得“抹茶”上海闲话哪能讲伐？
- #茄山河#【借口】今朝礼拜一，27～32℃。搿枪“轨交管理条例草案”开了听证会，据 @KDS宽带社 网友：广播里讲地铁逃票要计入诚信系统问题，某位大学生认为：“作为一个高学历、高素质个大学生，万一有一趟呒没带车钿，逃仔一趟票，会得直接记到诚信系统，葛末…”PS:想逃票，总归寻得着借口个，是伐？展开全文
- #茄山河#【医院】大家早浪好，今朝礼拜五，28～34℃。前两天，有一个小囡辣儿科医院看毛病个过程当中死脱了，隔手第二天发生了医闹事体。据医护人员介绍，整个行政楼拨四五十名患儿家属硬劲攻占，感应门拨几个大块头拗勒变形，几个女人用榔头、碌砖拿门玻璃敲勒粉粉碎…PS：乃真个弗需要医院了是伐？展开全文
- #茄山河#【男人花拆拆 开除沪籍？】今朝礼拜四，多云，30～40℃。前两日媒体曝光了上海几个法官垃夜总会包房娱乐个事体，还搞七廿三寻小姐。真是退阿拉上海男人个招势呀！上海男人末，就是讨个娘子过过小日脚个。阿拉建议：假使上海男人外头花拆拆，做对弗起屋里向个事体，捉牢仔一律开除脱沪籍哪能？展开全文
- #茄山河#【难为情】今朝礼拜五，多云，29～36℃。@唐位位 老师讲：巴金故居个庭院里向，迭只猫老是拨人家围观，难为情也难为情煞了！ ──“阿拉要睏觉了呀，乃好走了弗啦？”──“噢，阿拉走，阿拉走，输拨侬！再会！”──“弗送！”（详见博客 http://t.cn/zHzOTYQ）
- #茄山河#【打色狼】今朝礼拜五，晴，27～35℃。朋友@KDS宽带社 讲：“前几天早浪向，地铁里老轧个，突然车厢里爆发出一声男人个惨叫，后头是一个小姑娘声音：“册那，侬呒没眼光啊，长勒我搿能个侬也下得去手！”只看到男人面孔浪“五指山”，旁边是气呼呼个美女。 PS：天热了，侬懂额！ 展开全文
